Accidente na Noord a resulta den dos persona herida

ORANJESTAD (AAN): Un accidente a tuma luga diaranson anochi rond'i  9'or na altura di un banco na Noord, resultando den dos persona herida.

            Polisnan a yega rapidamente na e sitio di e accidente y a haya dos vehiculo envolvi: un Nissan Versa y un Kia Sportage.

            Ambos chauffeur a resulta herida. Un di e chauffeurnan a haya un golpi na su cabes, mientras cu e otro chauffeur, un cabayero di edad, a ricibi un sla na su pecho. Ambulance a wordo solicita pa duna yudansa.

            Na e lugar di e accidente, a compronde cu e Nissan Versa color cora no a duna preferencia na e Kia Sportage cu tabata bayendo pariba.

            Dos ambulance a yega na e luga di e accidente y a transporta ambos chauffeur pa Hospitaal.