Monton di Polis atrobe pa cruzada Pindastraat y Mandolinstraat

ORANJESTAD (AAN): Diasabra anochi den oranan di 11:00 pm, Central di Polis a bolbe manda diferente unidad di Polis pa bay na e skina di Pindastraat cu Mandolinstraat na Tarabana.

   Esey ta debi cu e conflicto existente entre dos bisiña a bolbe escala e anochi ey.  Esaki ta culminacion di cierto tiramento di palabra cu a bin ta socede entre e dos famia riba Social Media.

   Pero ora cu Polis a yega, e pleito of ‘pelea’ entre esnan di e cas banda pariba, y e cas banda pabao ya a finalisa.  Pero nan a bin tende cu tabatin mandamento di boter y piedra. Esaki probablemente a tabata bin di pariba y tambe a papia cu un auto a pasa los tiro, sinembargo no por a confirma esey.

   Algun minuut na e lugar patruyanan a spot un supuesto auto cu a match e descripcion di esun cu a tira. Por a mira polisnan tira un bista cortico pa huls, pero no a haya nada.

   Despues di a controla dicho auto cu tabata dilanti un cas na Clabillostraat no a bin haya nada abnormal. Un cos e Yaris su papelnan lo no tabata na ordo y polis a bay over na confisca esaki.

   Na e mesun momento, mayor di e hoben cu lo ta doño di auto a referi na e esnan pazuid o sea e hendenan di Mandolinstraat/Pindastraat.

   E speranza ta cu autoridad y e instancianan concerni mester a cuminsa tackle e problema aki hopi tempo atras. Debi cu no ta mustra cu tin solucion pa awor.