ORANJESTAD (AAN): Diadomingo atardi, Central di Polis a wordo notifica riba un atraco arma na un adres na Madiki.
Segun e victima, dos homber, un cu un arma y e otro cu un machete, kier a atraca e victima den e cas. E victima a splica polis cu nan kier a bay cu celular, pero el a nenga di duna nan. No ta conoci si e victima tambe por tabatin algo pa defende su mes, pero e atracadornan a dicidi di bandona e cas sin nada.
Central a manda algun patruya na e area pa wak si nan por topa cu e atracadornan, segun e descripcion di victima, pero no a logra.
