Jeep a bolter y a pega na candela caminda pa Natural Bridge

Ocupantenan a kita plach'i number y bandona e sitio

ORANJESTAD (AAN):  Diasabra atardi hendenan ariba e caminda di tera cu ta bay pa Natural Bridge a topa cu un auto, aparentemente un Jeep cu a bolter y tabata na candela.

            Segun informacion oficial, dos persona tabata den e vehiculo aki ora cu el a bolter. Nan a logra sali di e Jeep y ta logra kita ambos plach'i number y bandona e sitio.

Un rato despues e auto a pega candela.

            Brandweer a wordo poni na altura, di un auto na candela y cu el a cuminsa cende yerba na candela.

            No tin informacion si ta trata di un vehiculo di tour y ni si e personanan cu tabata den dje a resulta herida.