Asina ta fortalece e lazo di union entre futuro Polisnan

ORANJESTAD (AAN): Recientemente na Centro Deportivo Simeon Antonio a tuma lugar un encuentro cu tur studiantenan di Polis.

   E encuentro aki tabata pa fortalece e lazo di union pero tambe siña e futuro polisnan cu den Cuerpo Policial Aruba ta traha den equipo solamente den equipo por logra mantene e seguridad di pais halto.

   DIARIO a compronde cu e tabata un dia fructifero na unda e studiantenan no solamente a hunga contra otro pero tambe a hunga contra e docentenan. Altocomisario Arnhem tabata a pasa bishita e encuentro aki y tabata satisfecho di mira e union fortalece den e inicio di e carera policial di e studiantenan.

   Ta bale la pena pa menciona cu tempo di eventonan aki lo sigui den Cuerpo Policial Aruba pa sigui mantene e union den e cuerpo.