ORANJESTAD (AAN): Un accion exitoso ta loke Wardacosta di Caribe Hulandes hunto cu Cuerpo Policial Aruba a ehecuta, y asina a logra detene 9 persona indocumenta.
Den cooperacion cu Korps Politie Aruba (KPA), Wardacosta a tuma nota di actividadnan sospechoso na altura di Sero Colorado. Patruya di ambos organizacion a activa inmediatamente pa asina investiga e caso.
Ora cu a yega eynan, a bin nota cu ta un boto a caba di yega eynan for di Venezuela. A bin haya 9 persona indocumenta (8 hende homber y 1 hende muhe) cu nacionalidad Venezolano (incluyendo e capitan) cu a yega Aruba via di e lancha.
Wardacosta hunto cu Polis a detene e capitan y a entrega e otro persona nan na servicio di migracion, esta Guarda nos Costa (GNC).
