Dos polis mas ta forma parti di e liderazgo nobo den KPA

ORANJESTAD (AAN): Den un ceremonia ameno na Centro di Husticia a tuma lugar entregamento di decreto gubernamental como tambe cambio di rango.

   Altocomisario Arnhem como tambe mando policial  a haci cambio di rango di e polisnan  Lacle y Oduber den presencia di nan famia.

   Ta trata aki di dos agent e policial Jose G. ‘Lito’ Lacle y Gilbert S. Oduber cu awor a bira inspecteur. Cu amplio experiencia nan por guia nan departamento y como tambe hiba e mision y vision di KPA na e siguiente nivel.

   Masha Masha pabien di parti henter e famia blauw di Cuerpo Policial Aruba.