Dos herido y dos auto destrui den accidente pisa na Meiveld

ORANJESTAD (AAN): Un boksmento basta pisa a sosode na e t-weg cu ta conecta Meiveld cu Rooi Afo.

Un momento di distraccion a conduci na un colision serio entre dos auto, cambia e paisahe di un instante pa otro.

            E incidente a tuma lugar ora c'e chauffeur di un Toyota MarkX, a subi caminda sin ripara un Kia Rio cu tabata biniendo di pariba. E resultado tabata inevitabel. Un impacto basta fuerte cu a laga e dos autonan destrui.

            Dos persona a resulta herida den e accidente. Tur dos a wordo atendi door di dos unidad di ambulance cu a yega na e sitio di e tragedia. Nan a wordo transporta pa hospital pa recibi e cuido necesario pa nan recuperacion.

            Autoridadnan di trafico a presenta na e luga di e accidente pa registra detayenan relevante pa nan rapport. Na final, e autonan daña a wordo kita for di caminda, habriendo caminda bek pa trafico normal.