ORANJESTAD (AAN): Diabierna marduga habitantenan di e bario di Nuñe a cuminsa haya holor di huma.
Nan a spierta y check pafo. Di e forma ey por a mira claridad produci pa vlamnan di un candela basta grandi den mondi. Y for di nan bista, ta parce cu e ta menazando un cas den cercania.
Mesora a bati alarma na 911, y Centro di Alarma mesora a saca un Brandspuit for di Tanki Flip pa acudi na Nuñe. Polis tambe a wordo notifica di esaki.
Unidad di Polis cu a yega eynan, a bin nota cu ta trata di candela di mondi, y no tin ningun cas na candela. Pero si nan ta mira cu ta un pida mondi tabata kimando cu vlamnan grandi.
Brandweer cu a yega algun minuut despues mesora a drenta accion, pagando e candela cu a resulta di tabata un candela di sushi, mas sigur cendi intencionalmente.
Dilanti e mesun un adres aki na Nuñe, algun tempo pasa un auto tabata na candela.
