Dos dama herida den accidente pisa na Paradera

Basta daño material

ORANJESTAD (AAN):  Diahuebs mainta, banda di 10:30 am, a sosode un accidente basta pisa  na Paradera dilanti di Great Rich Restaurant.

Autoridad a wordo poni na altura pa atende e accidente aki unda un di e vehiculonan envolvi lo a dal den un palo di luz.

E accidente a sosode entre un Toyota blanco (A-4693) y un Hyundai Getz blauw (A-47388). Den e accidente aki dos dama a resulta herida. Tambe den un di e autonan tabata tin un mucha muher chikito hopi spanta cu danki Dios a sali ileso.

Un di e autonan, e Toyota, a bay dal den un palo di luz, mientras cu e Getz a baha e caminda na band’i pazuid.

Autoridad a cera e caminda mesora y a yama ambulans pa atende cu e victimanan.