Dos auto den impacto fuerte na Kamay

ORANJESTAD (AAN): Diamars anochi pa mas o menos 11'or, Central di Polis a haya informacion cu na e T-weg na Kamay,

na e caminda di Noord pa Westpunt hunto cu Semeleerstraat, como 100 meter zuid di Yen Yen Bar & Restaurant un accident basta serio a tuma lugar.

   Ora cu Polis a yega, nan a bin topa cu dos auto envolvi, di cual uno a kenter y bay pega contra un palo di luz.

   E impacto tabata entre un auto sedan Mercedes-Benz cu number A-43282, y un auto compacto Toyota Vitz cu number A-56392.

   E impacto tabata uno duro, mirando con e Mercedes-Benz a klem e Vitz contra un palo di luz.

   Ambulance tambe a presenta y a Paramediconan a controla un dama cu tabata den e Vitz, y e dama tabata mustra ok.

   Polis a keda na e lugar wardando Forensys y tambe Takelwagen pa move ambos auto for di caminda.