Diasabra anochi Polisnan a controla 200 auto na Playa

Duna 66 boet pa core velocidad halto

ORANJESTAD (AAN): Diasabra anochi polisnan di distrito di Oranjestad a tene un control di trafico  un biaha mas na diferente puntonan strategico.

   E biaha aki A controla mas di 200 auto y na unda a reparti un total di 86 boet.

A reparti 66 boet pa pasa e velocidad halto.   E resto di boet tabata pa diferente otro infraccion entre otro : number di auto, keuring, seguro, safety-belt.

   Durante e anochi di control a a haci dos detencion. Un tabata pa maneha bao influencia y e otro pa ta indocumenta riba e isla.

   Cuerpo Policial ta keda cu controlnan den trafico y ta recorda tur hende pa percura bo tin bo documentonan di bo vehiculo di motor na ordo, bisti bo safety-belt, pone bo smartphone un banda, baha no velocidad y si bo ta bebe NO stuur. Percura pa bo tin Bo Amigo Responsabel.