Diadomingo anochi un hende a los tiro riba motorcycle

ORANJESTAD (AAN): Riba Diadomingo anochi den careda di 9'or pasa algun brommer a yega dilanti New Well Well Bar Restaurant na Sero Biento,

y entre tur e motociclistanan aki, tabatin uno kende tabata herida.

   Segun informacion di e amistadnan, nan ta algun persona cu lo a sali di Hamaka Sidewalk Cafe na Linear Park na Playa, pasa dilanti Aeropuerto bay pariba direccion rotonde Mahuma, y aki a dicidi di bay nort direccion Well Well Bar.

   Den e birada skerpi di Santa Marta pa Sero Biento e motociclista lo a scucha un tiro y mas cu claro e dolo instantaneo.  Su amigo tambe a scuche haci manera e tin dolor.

   Nan a sigui core y yega Well Well, unda el a pidi nan pa wak su lomba. Asina na  mira un herida, cu tabata sangra y keda sangra. E la pidi pa awa y nan a dune awa.  El a bay drumi abao debi na dolor inmenso.  Asina a yama 911, cu na su turno a notifica Polis.

   Segun por a compronde na e sitio, cu e herida no tabata mustra grandi, pues si ta trata di un proyectil lo ta un caliber chikito.

   Paramediconan na yegada mesora a baha atende y a lante, stabilise un rato den e ambulance y despues sali mesora direccion Servicio di Emergencia na Hospital.

   Polisnan na e lugar a haya informacion di e amistadnan y tambe lo bay mira e security cameranan.  Departamentonan concerni si ta bon lo a wordo notifica.