Dama turista herida despues di cay cu scooter electrico

ORANJESTAD (AAN):  Diadomingo anochi pa mas o menos 7'or polis y ambulance a bay ariba e Avenida Nleson  Orlando Oduber. 

E melding tabata pa un persona cu lo a cay di brommer. 

            Na yegada di polis a tuma nota cu tabata trata di un scooter electrico y no un brommer.

            E persona herida tabata un hoben turista. El a cay basta duro dilanti un Hyundai. Menos mal cu e chauffeur di e auto a reacciona mesora sino e lo a dal e turista.

            Informacion ta mustra cu  e dama lo tabata den un grupo di famia coriendo ariba e caminda aki. Esaki sigur ta un situacion peligroso y tambe por a ripara cu ta basta comun cerca algun turista.

            Polis di trafico a tuma e datonan di e victima. Paramediconan di ambulance mester a transport'e pa Hospitaal, ya cu probablemente el a fractura su kaak.