Unidad motorisa a controla 200 auto y 31 chauffeur a haya multa c'un detencion

ORANJESTAD (AAN): Diasabra den oranan di merdia Unidad Motorisa a tene nan control riba diferente puntonan strategico pa asina haci control riba e velocidad den trafico.

            Dosshen auto a wordo controla y den total di 31 chauffeur a haya multa pa maneha cu velocidad halto y a detene un chauffeur pa maneha bao influencia.

            Controlnan lo sigui durante weekend y ta haci un apelacion na tur automobilistanan pa nan tin nan papelnan di auto na ordo como tambe nan rijbewijs.

            Tene bo mes na e reglanan di trafico y si bo ta bebe no stuur y si no ta stuur no bebe.