Dama turista a bolter cu UTV y a keda herida

Cerca di Bushiribana

ORANJESTAD (AAN): Diasabra un accidente a sosode, unda cu un dama turista a keda herida den un accident cu na prome bista ta mustra a socede net den un parti peligroso na costa panort.

   E muhe cu tabata forma parti di un grupo di turista cu a huur UTV, a accidente den un bahada.

   Polis di Santa Cruz a yega na e lugar di accidente y a constata cu tabata necesario pa yama ambulance.

   Como cu e accidente a sosode cerca di Bushiribana y e turista a cay den barancanan, e paramediconan cu a bin atende cu e victima a haya nan mes den un posicion un tiki fastioso.

  Sinembargo un grupo di hende homber a yuda lanta e muher y pone den un pickup, pa por hibe pa e ambulance cu porfin por a transporte pa hospital pa e wordo trata pa su heridanan.