ORANJESTAD(AAN): Diasabra den oranan di marduga patruya di polis a wordo dirigi pa Laurens Costerstraat/Edisonstraat na Companshi, unda cu un accidente a tuma lugar.
Ora cu polis a yega na e lugar, a constata cu tabata trata aki di un accidente unda cu un auto a dal un peaton.
E agentenan policial cu a bay atende cu e caso a topa cu un homber benta riba vloer, mientras cu e auto cu a dal e no tabata tey mas.
E polisnan a yama ambulance y ora cu esaki a yega, apesar di ta herida e victima su mes a lanta y a cana drenta e ambulance sin asistencia di e paramediconan.
E homber a bay ricibi tratamento na hospital, unda cu mester a determina si e tin cu keda interna of no.
Polis ta investigando e caso cu ta wordo considera un ‘hit and run’.
