Dama herida ora el a bolter cu auto pabao di birada skerpi di Sabana Liber

ORANJESTAD (AAN): Diadomingo den ora di atardi a sosode un accidente di cual e boroto a hala atencion di habitantenan. 

Esaki a socede riba e caminda di Sabana Liber bayendo pa rotonde di Misa di Noord, net despues di a caba di pasa e birada skerpi. Un Nissan Tiida a accidenta y un dama tabata herida.

   Polis a bay cu urgencia debi cu e auto aki a bolter y despues cay back riba su cuater wielnan.

  Testigonan a splica cu e auto sedan Nissan Tiida maneha pa e dama tabata biniendo di pariba, y pa un of otro motibo ta perde control completo riba stuur di e auto.

   Consecuencia di esey ta cu e auto a baha caminda banda drechi y di eynan bay cay poco mas pabou, parti pazuid di caminda.

   Su tras parce su pareha lo tabata y aparentemente el a mira cu wowonan di horror con tur cos a socede y a bolter. Un Docter den cercania a bin duna e prome auxilio.

  Ambulance a ser pidi debi cu e dama tabata keha di basta dolor di lomba. Na yegada Paramediconan cuidadosamente a saca e dama chauffeur pa despues hib'e Servicio di Emergencia na Hospitaal.  Polis di trafico y Forensys tambe a presenta na e lugar.