Dama herida den accidente entre van y brommer na rotonde di Balashi

ORANJESTAD (AAN): Diadomingo mainta, pa mas o menos 11’or, un accidente di trafico entre un Van y un brommer a

tuma lugar na e rotonde di Balashi. Un dama cu tabata riba e brommer a resulta herida y Ambulance a transport'e pa Hospital.

Na yegada, Polis a topa un dama drumi riba caminda, un brommer benta y un Van na banda zuid di e rotonde.

Segun e version di e chauffeur di e Van, e tabata subi e rotonde y no a mira e brommer. Sin embargo, despues el a sinti e impacto ora e brommer a dal contra su vehiculo.

Riba e brommer tabatin dos persona, un homber y un muhe. E dama tabata esun cu a resulta mas herida y, despues cu Paramediconan a atende cu ne na e sitio, a transport'e pa Hospital pa ricibi atencion medico. E cabayero cu tabata riba e brommer tambe a wordo controla door di Paramediconan, pero no mester a haya mas atencion medico.