Homber a maltrata muhe na Driemasterstraat

Polis interveni lihe

ORANJESTAD (AAN):  Diasabra atardi, un situacion alarmante a desaroya na Driemasterstraat unda cu un homber a bringa cu un muhe y a lag'e na sanger, esaki a sosode unda antes tawata Las Caleñas na Madiki.

            E maltrato a tuma luga, pero ora cu polis a yega na e sitio, e homber no tabata presente. Sinembargo, el a laga sa cu no lo keda warda ariba polis y a duna un splicacion di su banda riba unda e tabata.

            Testigonan cu tabata presente na e momento di e suceso a comparti nan version di loke nan a presencia. Nan a bisa cu berdad e pareha a drenta den un discusion pisa cu a termina den un pelea. Durante e enfrentamento, e muhe a resulta herida di manera serio.

            Den solo algun minuut, polis a logra localisa e homber den un cas otro banda di Madiki. Na e momento di su detencion, el a wordo acusa di maltrato y polisnan a warda un vehiculo di transporte pa conduci'e na e oficina policial.

            Un ambulans a wordo yama pa brinda asistencia medico na e dama maltrata. Su condicion a wordo evalua pa determina si tabata necesario transport'e pa Hospital pa tratamento adicional.

            E incidente a pone den evidencia e serio problema di maltrato entre homber y muhe cu ta sosode regularmente na Aruba. Esey ta resalta e necesidad di atencion y accion pa aborda e problematica di violencia domestico riba e isla.