Como 30 chauffeur a haya boet pa core demasiado duro

ORANJESTAD (AAN): Aunke tin mas di 100 mil auto y vehiculo cu nummerplaat ta circula riba caretera,

ta bin nota cu ainda tin algun ta core cu pia pisa ta primi e throttle di nan vehiculo of auto.

   Recientemente Unidad Motorisa di Polis a tene un control na diferente puntonan strategico riba e isla, y esaki a socede den oranan di anochi.  E control aki, tabatin como meta principal pa controla automobilistanan cu ta maneha cu velocidad halto.

   Vocero Liliana Rasmijn di Cuerpo Policial, a splica cu un total di 30 chauffeur a haya un boet pasobra nan as sobrepasa e velocidad maximo pa cada caretera.

   Dado momento e radar di Polis a captura uno ta coriendo riba di 127 km/h.  Polis a splica cu e controlnan ta sigui, y ta haci un suplica pa chauffeurnan obedece borchinan di trafico.  Controlnan ta ser haci no djis pa unidad motoriza, sino tambe pa Polisnan uniforma.

   Mantene bo mes na reglanan di trafico y maneha sigur. Bo conducta den trafico ta  bo responsabilidad pa un trafico sigur.