ORANJESTAD (AAN): Tabata Diabierna nochi alrededor di 9:29 pm, cu Central di Polis a wordo informa
cu un rato prome un homber a wordo atraca na Madiki Kavel.
Cu esaki, mesora a dicidi na manda varios unidad di Polis den e area di sucedido. Ora cu nan a yega na e adres, nan a bin haya cu e victima kende mesora a atende cu Polis.
E victima masculino, a relata na autoridad cu un rato prome canando direccion su cas, inespera un grupo di por lo menos 8 homber cara tapa a yega cerca di dje, y cada uno di nan a saca un arma di candela pa asina e stop cu su canamento, nan a intimide, y na final kita tur e placa cu e tabata tin cu ne, y posteriormente nan a core bay.
Polis a compronde cu e grupo di bandido aki a bandona e zona di atraco na pia.
Unidadnan di Polis cu a keda riba caya, a haya informacion encuanto e grupo, y nan a cuminsa busca rond den varios area strategico, no a topa cu e sospechosonan.
Central di Polis na su turno a notifica Atraco Team a wordo notifica y a tuma e investigacion.
Polis no a duna informacion ta cu cuanto placa e grupo di bandido a bay cu ne. Pero si ta haci un suplica na cualkier persona den e bario, cu sa di algo of mira algo, pa yama Tipline di Polis na 111-41 pa duna informacion balioso. Corda cu nan ta garantiza cu via e Tipline, bo ta keda anonimo.
