Chauffeur hoben pata-pata burachi a kibra auto den Havenstraat

ORANJESTAD (AAN): Apenas cu di dos Dia di Pasco a habri, cu autoridadnan a ser informa di un accident fuerte na e cruzada di Kazernestraat cu Havenstraat na Playa, net pazuid di Zara.

   Tabata algo prome cu 12:30 am, cu Security di e Hotel eynan a tende un sonido masha duro mes pafo.

   Momento cu Security a bay mira kico tabata pasando a resulta cu un auto coupe cu ta bahando di Havenstraat a djis core straight, pasa door di e pilonnan cu ta isola e acera patras di e hotel, y bay termina contra un palo di luz doblando esaki.

   Ta trata aki di un Acura RSX color shinishi, cu a keda cu daño extenso parti dilanti, y su bumper patras tambe a kibra.  Security visiblemente a ripara cu e chauffeur ta burachi.  Porta a habri, y dos ocupante a cuminsa piki nan cosnan y bandona e lugar den un otro auto.  No ta conoci si nan a keda herida of no.

    E chauffeur cu ta un hoben a keda atras, pero despues di un rato a cuminsa cana ta zwaai ta bay tambe di lugar. Algun rato despues el a cana bin back, y net Polis a yega y a detene.

   Pues e hoben aki a bebe bastante riba Pasco anochi, y net cu marduga a bati y a bira Diamars, coriendo e Acura RSX aki bao influencia, sea a sigui straight of a hala na su man robes, rancando e baranan meymey di caminda y caba ta dal contra e palo di luz.  Varios turista a lanta tambe y a keda observa e accident y e acto di detencion.

   Vehiculo di Transporte a hiba e hoben rumbo pa Warda di Polis, y el a ser presenta dilanti Fiscal Auxiliar.