Turistanan herida den accident fuerte banda di SVb na Eagle

ORANJESTAD (AAN): Tabata den oranan di mainta, algo pasa di 11'or, Polis y Ambulance a bay e cruzada cu tin na Caya Punta Brabo y Caya Dr. J.E.M. Arends, esta na e T-weg cerca di oficina principal di SVb, pa un accident serio.

   E prome unidad di Polis cu a yega, a bin topa banda pazuid di caminda, cu un Toyota Hilux Double-Cab Pickup color shinishi bastante kibra su dilanti, y den e cura di Divi Golf a nota cu un auto compacto Ford Figo color preto a bay finalisa eyden. Esnan den e V-auto aki ta un pareha turista.

   E accidente a sosode momento cu chauffeur di e Pick-up pa motibo inexplicable na e T-weg a subi caminda, siendo cu e Ford Figo ta riba caminda di preferencia.  E impacto a pone cu e Ford a bay finalisa riba tereno di Divi Golf.

   Na yegada di Ambulans, Paramediconan a acerca e turistanan.  Aunke nan tabata "herida" nan no a desea asistencia medico e ora ey.

   Pa locual ta chauffeur di e pickup, e si a worde transporta pa Hospital, pa e golpinan ricibi.  Den e accident aki, e daño material ta basta extenso.