Caso serio di hincamento riba Diasabra anochi na Sero Janchi

ORANJESTAD (AAN): Tabata Diasabra anochi cu Central di Polis a ricibi informacion cu un caso di hincamento serio a socede na un adres hopi conoci pa Polis, na Sero Janchi. 

Mesora a manda patruya di Noord pa eynan, mientras cu a notifica Centro di Alarma pa prepara Ambulance tambe.

   E prome patruya cu a yega eynan, a solicita pa Ambulance yega cu maximo urgencia.  A bin haya un victima masculino abao benta, na  tino y por a mira cu e tin un hinca na su lomba.  Esaki tabata sangrando.

   Autoridad a compronde cu tabata un pleitamento cu a escala den un hincamento.  A usa un obheto skerpi pa hinca e victima.  E agresor mes despues a bandona e area prome cu Polis a yega.

   Ambulance a pone e victima drumi na su banda drechi, y tabata keda pone presion riba e herida pa minimaliza sangramento.  Cu urgencia a hibe Servicio di Emergencia na Hospital pa atende e herida, stop cu sangramento, y mas saminamento.

   Polis a seya e area, y a pone Recherche como tambe team Forensico di BFTO na altura pa asina cuminza cu investigacion.