Negoshi di droga a yega su fin
ORANJESTAD (AAN): Un investigacion cu ta tumando lugar ultimo temponan, a pone cu autoridadnan hudicial di Unit Narcotica di Cuerpo Policial tin suficiente prueba, y cu bendicion di Ministerio Publico a prepara diferente oficial local mas, pa hunto tene un razzia na un cas na Dakota.
Cu yudansa di RRT, tambe Aduana K9, tambe Polis su K9 Unit, y Team di Aresto, e personal di Unit Narcotica a yega riba un cas na comienzo di Lamoenchistraat. Durante e accion aki, nan a detene e homber G. Cabrera di 39 aña naci na Curaçao.
Durante listramento den e cas, e oficialnan a canta ‘bingo’, como cu a bin haya bastante droga. Segun vocero di Polis, Liliana Rasmijn, aki nan a logra haya y confisca bastante cocaina, tambe marihuana, ecstasy (XTC), y tambe tusi.
Esey no ta tur, como cu a haya un cantidad grandi di placa cash. Tur esaki y mas material di prueba a keda confisca. Ta un indicacion cu ta un negoshi completo di droga tabata andando aki, y produciendo ganashi.
Cuerpo Policial ta haci un suplica, cu si bo sa of a wak algo yama e tiplijn di polis cu ta 111-41.
