Buscando pa salba boto The Hook na Rancho Clemente

ORANJESTAD (AAN): Oficialnan di Wardacosta di Caribe Hulandes, a bay presta asistencia pa evita cu un boto ta sink completamente.

E boto ‘The Hook’ cu parcialmente a sink despues di e yobida di awa fuerte na Aruba recientemente, a ser asisti pa e punto di sosten di Wardacosta na Aruba. E boto tabata na Rancho Clemente na su lugar di ancra y a bay bao di awa parcialmente despues di e yobida di awa pa motibo di Tormenta Tropical Franklin.  

Wardacosta a yuda e capitan cu ekiponan pa pomp tur e awa for di e embarcacion. Durante di e pompmento di awa, e boto a subi poco-poco bin superficie back. E capitan di e boto The Hook tabata hopi contento cu Kustwacht a yud'e salba su boto.