Unit Marcotica cu otro accion exitoso
- Homber deteni ta meti den bendemento di droga na gran escala
ORANJESTAD (AAN): Autoridadnan a tene un razzia inespera den un cas na Noord, y a logra detene un persona envolvi den mundo di narcotrafico.
Diabierna mainta Unit Narcotica a tene un accion y a haci un entrada hudicial na un adres na Kamay. Aki nan a ricibi sosten di demas oficialnan di Polis. Na e lugar a detene un persona, y vocero policial Liliana Rasmijn a confirma cu ta trata di un hende homber naci na Aruba cu inicial J.P.E.
Su detencion ta relaciona cu investigacion pa cu su envolvimento relaciona cu bendemento di marihuana, cocaina y como tambe ecstasy (XTC).
Polis a confirma, cu na e cas nan a canta ‘bingo’, como cu a bin haya basta droga! Tur e droga aki a wordo confisca.
E investigacion ta andando ainda y no ta descarta cu lo por tin mas detencion.
Unit Narcotica ta un unidad di Cuerpo Policial Aruba cu oficialmente a worde lanta 1 augustus 2023. E unidad ta investiga tur loke ta bendemento di droga for di casnan, ariba caya, delivery, plataforma social y hasta area di hotelnan. Tambe e unidad ta investiga tur droga cu worde intercepta pa Douane, US Customs na aeropuerto, door di ambtenaarnan di KIA y tambe tur droga encontra durante cualkier control policial.
Pa Cuerpo Policial Aruba por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama e tipline di Polis cu ta: 111-41. Nan ta garantisa cu bo ta keda anonimo.
