Autoridad a atende caso di Muhe maltrata pa su pareha den Flacciusstraat

ORANJESTAD (AAN): Diasabra anochi algo prome cu 10:00 pm, Central di Polis a dirigi Polis di Playa cu urgencia na un adres den Flacciusstraat pa un pelea formal.

   Esaki ta un caya cu ta situa poco pabao di Aruba Juniors na Playa.

   Ora cu Polis a yega na e adres, nan a check e situacion y mesora a pidi presencia di Ambulans, como cu un di e partidonan ta herida.

  Mientras tanto un otro patruya a bay tira a bista pa esun cu a bandona e lugar. 

  Algun rato despues ambulance a yega, pero ya no tabata necesario paso e mama mes lo hiba su yiu muher herida pa Servicio di Emergencia na Hospital.  E adres lo ta uno cu polis varios biaha sa bay pa atende asistencia den e caya.