Auto a dal un peaton femenino na Macuarima

ORANJESTAD (AAN): Diamars anochi alrededor di 8:00 pm, ta diferente unidad di Polis, i

ncluyendo un Ambulance a mobiliza rumbo pa Macuarima como cu yamadanan a drenta cu auto a dal un peaton femenino.

   Sinembargo ora cu Polis a yega na Macuarima 95 cu ta ex-edificio di Wema Hardware, no a haya nada.  Toch despues di un rato a bin topa cu un dama, bisti den paña scur sinta na e skina panort di e edificio ey.  Eynan parce tabata tin hende a pasa eybanda cu a duna e victima un man.

   A bin sali na cla, cu e peaton femenino aki a caba di baha for di Bus riba caminda, grandi, y el a bay crusa caminda y un auto a pasa dal e y sigui bay, pues un caso di Hit & Run.

   Ambulance tambe a yega, y aki Paramediconan a cuminsa suministra asistencia. E dama tabata na tino y por a mira cu apesar di a ricibi un golpi fuerte, e tabata comunica cu e Paramediconan y tambe Polis. Rato rato por mira cu e dolornan tabata intensifica.

   Ademas di Polis di Santa Cruz, a nota cu Specialista di Trafico tambe a yega, hunto cu Forensys.

   Paramediconan a opta pa hiba e dama rumbo Servicio di Emergencia na Hospital pa asina pasa den algun test mas extenso.