Aspirantnan nobo pa Polis a pasa prueba di stress cu exito

ORANJESTAD (AAN): Recientemente a tuma lugar un ehercicio pisa na unda cu e studiantenan nobo policial klas N4-2025 a participa na dje.

Ta trata aki di un prueba di stress cu nan a eherce durante tres dia largo cu ehercisionan pisa bao guia di docentenan di Scol di Polis E.J. Watty Vos.

   Na final di e prueba mester “Speed mars” for di Mariniers Kazerne Savaneta direccion Scol di Polis E.J. Watty Vos pa asina completa nan tres dia di prueba di stress. Na nan yegada bao di zwaailicht y sirena na a topa cu agentenan policial di diferente departamento manera polis uniforma di San Nicolas,  klas N4-2023 Y 24 docentenan, Hefe di Scol di Polis E.J. Watty Vos Señora Arrindell como tambe altocomisario di Polis drs. Ramon Arnhem cu a yama nan Bon Bini.

   Altocomisario Ramon Arnhem a yama nan bon bini como tambe duna nan mensahe di apoyo y sosten pa nan inicio di estudio policial. Un di e puntonan importante cu a worde enfoca ta Union, yuda otro y comunica cu otro.

  Desde awo nan estudio policial ta inicia na unda cu nan lo cera conoci cu diferente materia manera buki di codigo penal y procedura penal, diferente ehercicio manera landamento etc..

  DIARIO ta desea e klas nobo aki N4 2025 hopi exito y pueblo lo mira nan pronto riba caminda.