Accident riba caminda di Hato a laga mucha herida

ORANJESTAD (AAN): Tabata Diamars den oranan di atardi, cu Central di Polis a wordo notifica cu riba caminda di Tanki Flip

pa Pos Abao a sosode un accident un poco pariba di e T-weg cu ta bay pa Caya Cuida bo Cura.

   E unidad di Polis cu a yega algo pasa di 6’or, a nota cu net pazuid di cas Hato 11-C tin un SUV Mazda CX-5 color shinishi scur cu number A-34559 y un sedan Mitsubishi Lancer color shinishi cu number A-32317. 

   Chauffeur di e Mitsubishi Lancer a conta polis cu e tabata bayendo pariba y dado momento un pickup a yega lora di sorpresa pa drenta un caya. 

   Esaki a pone cu e chauffeur di e Mitsubishi a bay maniobra pa no dal contra e pickup, pero lamentabelmente ta kita bay dal e Mazda cu tabata biniendo di direccion contrario, esta di pariba.

   Door di e impacto e Mitsubishi a bira 180 grado y bay bek cara pabao.  Den e choke, un menor di edad a resulta herida, y tabata necesario pidi pa un ambulance.  Na final Paramediconan a hiba e mucha Hospitaal pa un observacion mas avansa.  Por a nota cu e daño material ta basta.  Di e pickup mes no sa nada mas.