Diabierna mainta a habri cu razzia
ORANJESTAD (AAN): Ta parce cu pa algun tempo caba, autoridadnan hudicial ta investigando un persona local cu ta ocupa ta haciendo cosnan cu no ta cuadra den civilizacion moderno aki.
E persona ta meti den diferente asunto cu no ta cuadra segun ley y tambe forma corecto di hiba un bida.
Pesey mes riba Diabierna mainta, y cu luz berde di Ministerio Publico, diferente agente a subi caya pa duna sosten na Unit Narcotica di Cuerpo Policial, pa un razzia na un cas.
E razzia di sorpresa a pone cu autoridad a haci un detencion na Madiki Kavel.
Vocero Liliana Rasmijn di Cuerpo Policial, a confirma cu durante e entrada hudicial aki, Unit Narcotica y Team di Aresto a detene e homber hoben di inicial A.J.IM. di 17 aña di edad, naci na Aruba.
Durante listramento extenso den e cas, a bin haya arma di candela como tambe cantidad di droga.
Segun Rasmijn, no ta descarta cu lo tin mas detencion durante e dianan nos dilanti.
Cuerpo Policial ta avisa comunidad si tin cualkier informacion yama nan tiplijn 111-41 y bo ta keda anonimo.
