Asina Nissan March a keda pega riba beton y baranca na Pavia

ORANJESTAD (AAN): Tabata Diaranson atardi banda di 5:30 pm, cu tanto unidadnan di Polis y tambe Ambulans a wordo despacha

pa e area panort di e dam di Morgenster, como cu hendenan ta yamando bisando cu un accident pisa a socede.

   E prome unidad di Polis cu a yega eynan cu sirena, mesora a nota cu e chauffeur ta herida pero no hopi grave.

   Pero nan a bin haya un Nissan March color blauw cu number A-10245 cu dos wiel patras den halto, pega fuerte riba parti di beton y baranca cu ta forma parti di un cura di palo dilanti cas Pavia 8-A.

   Un dama hoben tabata tras di stuur, y na yegada di Ambulans, Paramediconan a atende, y a opta pa toch bay cu ne rumbo pa Hospital pa observacion, aunke e no tabata mustra seriamente herida.

   Algo a pone e chauffeur perde concentracion riba e pida caminda aki, kizas no conoce e ruta aki bon, y por ta cu velocidad por a hunga un rol cu el a bay pega asina riba e parti di beton y baranca dilanti e cas.