Altocomisario Arnhem a presenta 'One Man Mission' cu enfoke riba su bida y carera

ORANJESTAD (AAN): Den cooperacion cu Universidad di Aruba altocomisario di Polis Ramon Arnhem,

siman pasa a duna un masterclass di Liderazgo cu a hiba como titulo “One Man Mission”.

   Den un sala completamente yen, altocomisario Arnhem a comparti su biahe personal di su bida como tambe su carera profesional. Cu miras y vision riba e tema di liderazgo.

   Un presentacion cu enfoke pa empodera tur persona cu tur cos ta posibel den bida. A cuminsa cu nada, siña di errornan, cay na caminda tambe experiencia situacionnan difícil na caminda cu tog nada ta imposible maske cu abo tin bo vision y bo lo persevera pa sigui padilanti y cosecha exito.

Un anochi exitoso na unda tur persona por a biba e momento cu Arnhem den e viahe cu tabata exitoso den su bida pero e no a bin cu su desafio.

   Na final tur persona a haya e oportunidad di por a haci pregunta y cera conoci cu altocomisario di polis Ramon Arnhem of tambe di Cuerpo Policial Aruba.

Danki na Universidad di Aruba cu ta un partner importante di Cuerpo Policial Aruba pa brinda e oportunidad pa duna tur persona por sigui desaroya.