Accident fuerte entre tres auto na Calbas

ORANJESTAD (AAN): Tabata Diahuebs anochi cu Central di Polis a manda unidadnan di Polis di Noord rumbo pa e caminda di Kudawecha pa Calbas,

na altura di Calbas 4A unda un accident basta fuerte a caba di socede.

   Diferente unidad di Polis a mobilisa pa eynan, y net dilanti e negoshi di 99 Bar Restaurant, a bin topa cu e accident cu a socede entre tres auto.

   A bin sali na cla chauffeur di un auto compacto Nissan March color shinishi cu number A-61255 no a regla su velocidad na tempo, y a bay dal tras di un Mitsubishi Lancer color preto cu number A75520.

   E golpi aki a pone e Mitsubishi Lancer bay dilanti pero halando na man robez, y a bay dal semi-frontal den un auto compacto Nissan Note color shinishi cu number A-64475.

   E impacto entre e Mitsubishi Lancer y e Nissan Note tabata bastante.  Polis a ser informa cu un di e personanan envolvi ta sinti tiki dolor na curpa, sinembargo el a bisa cu no ta necesario pa yama Ambulance.

   Trafico a stagna un poco e momento ey, pero Polis a sa di guia e situacion na forma ideal eynan.  Despues di rato a kita e autonan for di caminda.