Accidente pisa riba caminda di Savaneta a laga un persona herida

ORANJESTAD (AAN): Diadomingo madruga, yamadanan a cuminza drenta na Polis, pa mustra cu un accident basta fuerte a keda registra riba caminda principal di Playa pa San Nicolas, na altura di Winter Garden Supermarket na Savaneta.

   Un unidad di Polis di San Nicolas mesora a wordo manda eynan.  Tambe a notifica Centro di Alarma, cu mesora a manda Ambulans tambe na e lugar.

   Ora cu Polis a yega na e lugar, a bin topa cu un accident fuerte entre dos vehiculo.

   Testigonan a bisa Polis, cu un Hyundai Getz color shinishi tabata coriendo riba caminda sin luz cendi.  Chauffeur di un Jeep Wrangler color geel a bira su dilanti, y asina a accidenta.

   Debi na e impacto, un otro auto deportivo tambe a haya daño den e accident.  E Jeep tambe debi na e momentum di impacto, a bay dal contra muraya y un botanica di bende Lotto.

    Ambulans a presta asistencia na e chauffeur masculino den e Hyundai Getz, unda a pone neckbrace pa stabiliza esaki, y despues a bay cune rumbo pa Hospital pa asina saca X-Ray y haci mas saminacion.  Potretnan cortesia awe24.com