ORANJESTAD (AAN): Diabierna merdia pa mas o menos 2:45 pm, Central di Polis a manda unidad di Polis di Playa rumbo pa caminda di Playa pa Tanki Leendert, un poco pazuid di e rotonde cu WVB Boulevard.
Na mesun momento a pone Centro di Alarma na altura, y a cuminsa manda un Ambulans tambe eynan. Esaki ta pasobra yamadanan a drenta cu tin un señora herida.
Polis di trafico cu a presenta despues di e ambulance, como 140 meter pazuid di rotonde, a haya un Ford Mustung shinishi, y un Suzuki Baleno blanco riba caminda. Esaki ta net na e entrada pa bay Evolution Motors.
Paramediconan cu tabata prome na e lugar a cuminsa atende cu e dama chauffeur di e Suzuki, kende a resulta levemente herida.
Testigonan a indica cu aki ta falta di preferencia tabata causa di e accidente. Pero ta Polis tin di haci un investigacion y produci su rapport final.
Pa locual ta e dama herida, por a mira cu el a baha di auto riba su propio forsa, y cu ayudo di e Paramediconan el a subi e ambulance pa por worde atendi.
