Corte Comun ta declara cu apelacion di Mike De Meza no ta admisibel

Ministerio Publico:

*Abogadonan a entrega e apelacion aki laat 

ORANJESTAD (AAN):  Corte Comun di Husticia diabierna a dicta sentencia riba e apelacion entrega pa e abogadonan di ex candidato pa minister M.D.M. contra e decision di hues di Corte den prome instancia.

Dia 17 di juli 2025, hues a rechasa e peticionnan di M.D.M. pa obliga Ministerio Publico pa inform’e mas tocante e sospechonan contra di su persona y pa tuma un decision di persecucion den su caso penal prome cu 15 di augustus 2025.

Corte Comun ta di acuerdo cu Ministerio Publico cu e apelacion di M.D.M., no ta admisibel. Abogadonan di M.D.M. a entrega e apelacion aki laat. Debi na e eror aki, Corte Comun no por trata e apelacion contra e decision di hues di Corte di Prome Instancia.