Despues cu Hof a rechasa apelacion...
ORANJESTAD (AAN): Despues cu Corte Comun di Husticia a declara diabierna e apelacion di Mike de Meza no admisibel, defensa di De Meza a emiti un comunicado di prensa indicando lo siguiente:
“Cu decepcion sr. de Meza y su team di defensa a tuma nota di e sentencia di Hof di awe 8 di augustus 2025. Hof a declara sr. de Meza no admisibel den su apelacion.
Hof ta basa su decision riba hurisprudencia di a Hoge Raad, di cual e defensa tabata y ta keda di opinion cu no ta aplicable na Aruba. Lamentablemente no tin caminda di bai Hoge Raad den e procedura aki. Mas bien e ta parce cu Hof a dicidi di tuma e ‘easy way out’.
E tabata e intencion di bai Corte Europeo di Derehonan Humano si e caso a sali negativo riba e contenido di e caso. Hof a evita esey cu a sentencia aki. Aunke Mike de Meza, hunto cu su team di defensa, no por ta di acuerdo cu e punto di bista di e Hof, mirando e tempo cu lo perde i no a trata e contenido di e caso, e caminda aki no lo wordo sigui aworaki.
Sr. de Meza y e team di defensa ta insisti den e argumentonan di riba cual Hof no a tuma un decision y e team di defensa lo exigi un biaha mss di OM pa nan cambia nan postura incomprendibel i si ta necesario lo bai corte, y si mester Hof bek. E momento ey apesar cu tin otro opinion, lo sigui e caminda indica pa Hof i si ta necesario despues si lo dirigi su mes na e Corte Europeo. Esey si Hof ta apoya ministerio publico den e violacionnan continuo y grave di e derechonan di Sr. de Meza.
E violacionnan ta existi di nenga di notifica Sr. de Meza, manera art, 6 lid 3 di EVRM ta stipula, ca un manera detalla di locual Sr. Meza ta ser sospecha, y tambe di viola su derecho riba un proceso hustu sin retraso innecesario y menos sin retraso intencional di e proceso penal, cu tur e consecuencianan esaki tin pe Sr. de Meza y tambe pa e interes general di Aruba.
E postura di ministerio publico di viola e derechonan di sr. de Meza riba un proceso hustu na e manera grave aki ta un biaha mas incomprendibel y tambe ta sigui alimenta e desconfiansa den ministerio publico cu ya ta biba den nos comunidad.
