Hopi Polis pa por a domina un homber agresivo na Noord

ORANJESTAD (AAN): Tabata Dialuna anochi cu Polis di Noord a move cu urgencia pazuid di un pacus grandi na Noord, debi cu eybanda tin un homber actuando straño.

   Na yegada di e patruya, e agentenan policial a ripara cu e homber tin un cuchiu den su poder.  Mesora na un forma tactico, e agentenan a cuminza papia cu ne, pa e compronde nan ordo pa e pone e cuchiu abao na suela.

   Despues di varios papiamento, a logra cu e homber a pone e arma blanco abao.  Pero e situacion no a normaliza.  Pasobra ora cu agentenan a yega cerca pa pone boei rond di man di e homber aki, el a cuminza resisti.  Polisnan e ora a core pidi refuerzo di mas patruya pa yuda nan.

   E vehiculo di transporte di CEA a presenta pa hiba e homber aki rumbo pa Warda di Polis. No ta conoci si e por tabata bao di un of otro substancia cu el a bira raro.