Hedging ta un riesgo comercial grandi den mundo di negoshi
- Hedging ta proposito di Putin pa a scapa Rusia di bancarota
- Hedge ta comparabel cu Acuerdo cu Maduro condena pa mundo
ORANJESTAD (AAN)- Ora sigui sucesonan y desaroyonan cu a destrui Aruba for di entrada di Siglo 21, ta topa cu mascaranan falso cu a wordo uza den mundo politico di Aruba pa asina haya poder politico.
Na 2009 a mata futuro di Aruba cu un maneho di placa di Aruba.
Awe loke a pasa no tin nomber.
Un Gobierno cu Pueblo a manda cas na 2017 despues cu el a destrui Aruba, den un tempo di crisis ta bin papia di “hedging”.
Kico ta “hedging”?
Hedging ta nifica cu bo ta acorda di antemano prijs di compra di un producto pa evita cu bo ta paga un prijs mas caro.
Conocedornan di comercio internacional ta bon na haltura, kico ta e prijs cu bo ta paga si bo mester dicidi di mara un pais of un compania na prijsnan den un mundo di incertidumbre grandi y e decision robez wordo tuma.
Na 2021 e decision di e Acuerdo di Clima na Glasgow, cu a dicidi cu ta baha uzo di petroleo, a pone prijs di petroleo subi, manera DIARIO mes a anuncia.
Sinembargo, manera DIARIO a bisa for di inicio, e Guera di Ukraine ta un vehiculo cu a subi e prijs di petroleo a base di e inseguridad mundial nobo cu a surgi na 2022.
Rusia como e pais productor mas grandi di petroleo e tempo, a hunga un papel di crisisnan mundial di petroleo cu mundo a conoce durante siglo pasa.
Rusia te awor ta competi cu Merca pa e prome lugar como productor di petroleo den un economia Ruso cu Putin a zink.
Rusia a evita, cu mundo na e momentonan aki tabata mucho mas adelanta cu e transicion pa combustibel limpi y awe Petroleo a bolbe bira e gigante den e crisis mundial cu Putin a cuminsa.
Hopi pais a hedge na un forma, cu companianan productor di petroleo kier pone un fin na e forma di benta di prijs adelanta pa petroleo.
Awor kico por pasa den e mundo internacional di negoshi, cu conocedornan sa cu ta un gamble grandi?
Puntra Nicolas Maduro, cu kende Mike Eman a cera un acuerdo pa habri un refineria na Aruba hustamente ora mundo a cera tur porta pa Nicolas Maduro y Venezuela mester a entrega su mes na Rusia, cu asina a haya hasta parti di Citgo.
Na 2016 a trece Nicolas Maduro Aruba pa asina ciega e Pueblo di Aruba, cu tabata den estado di bancarota.
A hedge, a gamble cu e asunto di Nicolas Maduro cu a bolter contra Aruba na 2017 y a bira punto final pa e tragedia di Aruba cu a cuminsa na 2009.
Nos ta papia cu prueba den nos man. Prueba pa e situacion mundial actual, cu ta haci cu bo mester ta conocedor di materia economico y financiero pa mira con placa ta sigui lora.
E Guera di Ukraine mester a scapa economia di Rusia, cu tabata tin un moneda sin ningun balor enfrente Aruba.
Kico lo pasa si prijs si petroleo cay? Prijs di petroleo ta depende di comercio internacional, cu a keda demostra di tin sorpresa grandi.
Mester cuminsa bandona azeta y gas. Na cantidad di pais grandi, inversionnan enorme den produccion di energia limpi ta tuma lugar.
Inversionnan cu mester produci placa, pasobra esey ta negoshi.
Awe politica barata ta wordo hunga cu Pueblo atrobe. Politica, cu na 2009 a destrui Aruba cu un maneho di abuso di Aruba.
Aruba, mescos cu tur pais na mundo, no por cu mas tension. Ta enfermedad, ta guera, ta falta di placa.
Awe Aruba orguyosamente ta paga su debe cu a wordo crea ora a baha entrada di Aruba. Un debe cu a wordo crea mientras e turista Venezolano tabata lanta tur su placa na Aruba pa bay busca asilo na Merca.
Pasobra esun cu ta grita “hedge” na 2009 a hedge futuro di Aruba, cu a wordo destrui!
E a lubida cu hedging ta proposito di Putin pa scapa moneda Ruso di calamidad y di Maduro pa tur su picanan wordo pordona mientras e ta sigui destrui su pais y hende.
