ORANJESTAD (AAN): Tabata Diaranson den transcurso di marduga, cu Wardacosta di Caribe Hulandes su Centro Maritimo di Operacion (MOC) a drenta den accion.
Esaki a socede despues di detecta un boto sospechoso den awanan teritorial di Aruba.
Mesora nan a pone Wardacosta dirigi un Metal Shark pa intercepta esaki. E Metal Shark ta un boto rapido, cu a bay mesora riba e boto sospechoso aki. Pero ora cu nan a mira presencia di Wardacosta, e boto a dicidi na busca forma pa huy.
Aki Wardacosta a start cu un persecucion riba lama, unda esnan abordo di e Metal Shark a haya nan obliga na los tiro di advertencia durante e accion pa intercepta e boto. E ora porfin e boto a stop.
Ora di bay abordo di e boto, agentenan di Wardacosta a encontra 11 hende homber indocumenta procedente di Venezuela.
E boto a worde treci na e pier na Savaneta caminda e personanan a ser entrega na Cuerpo Policial di Aruba y na oficialnan di GNC, esta Guarda nos Costa.
