ORANJESTAD (AAN): E dianan aki, DIARIO ta enfoca riba tur e empleadonan local den mundo di turismo, cu a sobresali durante 2023 y cu recien a ricibi un tan codicia ‘AHATA Excellence Award’ durante un anochi di gala.
Uno di esnan cu a gana premio ta Genoveva Gonzales. Genoveva ta gerente di Relacionnan Publico na RIU Palace Hotel Aruba.
Genoveva a wordo honra cu e premio di AHATA Excellence pa su habilidad di crea experiencianan inolvidable cu turistanan, danki na su gran profesionalismo, positivismo, y su forma natural di ofrece colaboracion instantaneo.
Mas cu claro, palabra di pabien y danki Genoveva pa bo dedicacion na industria di turismo.
