Zuleika Coffie y Gustave Nouel invita pa participa den proyecto di arte na Hulanda

ORANJESTAD (AAN): Museo Terramar a invita Zuleika Coffie y Gustave Nouel pa un proyecto di arte na augustus di 2021 pa diferente isla Caribeño den Reino, cu debi na cierto circumstancianan lastimamente no por a sigi.

Presentacion di e buki MATERNIDAD, con pintura y texto, inspira pa e embaraso y maternidad di e modelo y actriz Zuleika Coffie, den e cuater lenga mas papia na Aruba, lo tabata un culminacion.
            MATERNIDAD no ta unicamente un buki cuatrilingual cu un oda na maternidad universal, sino tambe e aspiracion (y soño) pa yuda crea un brug nobo entre e parti Europeo y e partinan den Caribe di Reino Hulandes, (y si ta posibel hasta cu resto di mundo?!)  den e sentido artistico di e palabra.

            Directora di Museo Terramar, Jude Finies, a tuma un 'pauze' y ta investigando posibilidad pa un colaboracion structural cu sector cultural na Aruba, Corsow y Sint Maarten. No solamente pa e proyecto interdisciplinario artistico / social aki, cu presentacion di buki, exposicion, workshops, modeshow y hopi mas, sino tambe pa otro proyectonan cultural den Reino of region Caribeño den futuro. Nacemento di algo nobo?...

            Awor cu Gustave, e conocido specialista den portret y pintura di Caribe, ya no lo ta den Caribe e ultimo siman di Augustus, pa e proyecto similar di Museo Terramar, (un tiki mas chikito), e lo por participa hunto cu su cursistanan na e proyecto: 'VAKANTIE NA LAMAN'.

            Tras di escena, Gustave Nouel tabata yuda coordina pa fin di augustus  participacion di su cursistanan, como 'straattekenaars' den e proyecto di Kunstcircuit, hunto cu de Bibliotheek Deventer, gemeente Deventer, Deventer Cultuur Club, Stichting Jordenshofje y stichting Wesseling van Breemen.

            'VAKANTIE NA LAMAN' ta un proyecto artistico / social, na varios residencia di anciano na Deventer...

            Desde fin di 2019, tambe tabatin plan pa realisa intercambio cultural cu e partinan di Reino den Caribe. Ban mira si Covid lo permiti e proyecto start na 2022. Na Hulanda, sigur lo por recomenda un 'vakantie na laman', na e parti di Reino Hulandes den Caribe.