Leo Club Delta Aruba oficialmente funda y huramenta

ORANJESTAD (AAN): Recientemente cu hopi orguyo Aruba One Happy Island Lions Club oficialmente a huramenta e 10 miembronan nobo di Delta Aruba Leo Club y alavez huramenta e Directiva di e club nobo aki.

   Delta Aruba Leo Club a worde oficialmente funda dia 24 di juni 2021 pa nos oficina di Lions Club International. E club ta consisti di hoben nan hopi activo entre 18 y 30 aña. Leo Club ta un programa mundial di Lions Club International desde 1957 y ta conta cu mas di 130 mil miembro mundialmente den 150 pais. E programa ta conta cu Leo Club Alpha cu ta hobennan entre 13 y 18 aña y Leo Club Omega cu ta hobennan entre 18- 30 aña.

   Directiva di Delta Aruba Leo Club ta consisti di e siguiente miembronan.  Como President tin Fl. Ronan van Putten.  Como Vice Presidente tin Fl. Jisela Solognier Monsalvo.  Como tesorero Fl. Byanca Alvarado Guarniz.  Como Secretaria tin Fl. Shamiree Erasmus.  Como Director PR & Marketing Fl. Jurgen (Nathan) Tromp.  Como Director Fundraising Fl. Diego Alvarado.

   Demas miembronan ta Miriam Feng, Sue-Ann Bareño, Cherly-Ann Franken, Veronica Santokie.

   E hobennan aki lo cay bow guia directo di Leo Advisor Fl. Lion Carla Martinus cu a worde apunta pa Directiva di Aruba One Happy Island Lions Club.

   Presente e anochi aki tambe tabata Fl Nathan Croes, Presidente di Leo Club of Aruba (Alpha Club).

   Sigur comunidad di Aruba lo tende hopi mas di e club hoben aki den e luna nan venidero.