Yrausquin ta celebrando nan di 70 aniversario

ORANJESTAD (AAN): Diabierna atardi ora cu Yrausquin a haci entrega di 5 Freightliner Trucks na Tropical Bottling Company, a nota con Cristina Yrausquin a anuncia cu e compania ta celebrando nan di 70 aniversario.  Asina Yrausquin ta yegando otro etapa significante den su historia, e Managing Director y e empleadonan leal ta duna un bista riba con confianza, vision y curashi a yuda forma e negoshi.

   Tur cos a cuminza na 1952, ora cu Ruben Effrain Yrausquin Sr. a pone e fundeshi di e compania na Curaçao.  E prome cos cu un chauffeur a ripara e tempo ey tabata e scarcedad di vehiculo di Ford riba caminda. E vision, talento y pasion cu R.RE Yrausquin a hinca den e negoshi a cambia esaki, marcando nacemento di e marca Ford na Curaçao. Pa su vision nos ta salude.

   Atravez di e ultimo 7 decadanan, Yrausquin a pasa den transformacionnan como un negoshi di famia y a demostra un capacidad constante di keda hopi relevante atravez di su historia. Negoshinan di famia a worde describi como entidadnan inusual di negoshi. Esaki ta debi na nan dedicacion na termino largo atravez di generacionnan, nan dedicacion fuerte na calidad y e relacion di esaki na e propio nomber di famia.  Pero tambe nan humanidad riba tereno di trabao unda cu e preocupacion y cuido pa loke ta e empleadonan frecuentemente ta worde mira como uno di famia.

   Cerca Yrausquin nos ta realiza cu cada empleado ta diferente. Esaki ta determina e structura pa con nos ta opera, unda cu cada miembro di e staff ta realiza cu nan ta hunga un rol importante den exito di e compania. Door di empodera nan den nan propio trabao, nos ta beneficia di nan ideanan riba con pa mehora procesonan di trabao y haci e compania mas productivo, creando un espiritu fuerte di equipo.

   Celebrando 70 aña ta ainda mas special: Esaki ta prueba di e hecho cu atravez di e añanan Yrausquin nunca a perde enfoke riba kico ta locual a permiti e compania pa ta haciendo negoshi pa 7 decada. Esey ta e dedicacion na e balornan principal di Yrausquin di honestidad y excelencia y deseo constante pa duna un servicio di calidad halto. Esaki ta pasobra calidad halto ta e unico calidad cu ta conta.

   Curazon di e compania ta bati na Aruba desde 1972, unda cu Yrausquin tin su propio showroom y operacionnan.  For di prome cu e establece na Aruba, e deseo di tanto e famia como tambe e negoshi pa keda fuerte, a pone cu Ruben Yrausquin Sr. y su yiu homber Rubencito Yrausquin tabata tin un claridad den nan strategianan y tumamento di decision. Rubencito a keda den e posicion di lider pa varios aña, te ora cu un evento di bida a causa un cambio den top.

   E ora ey e tercer generacion di famia Yrausquin a tuma e negoshi over. Den tanto bon temponan y mal temponan cu e compania a pasa aden, e lidernan tabata tin un vision claro pa futuro y tabata encarga cu e strategia pa manda e compania unda e mester a yega. Mientras cu nos storia di exito ta draai rond di e vision nos compania y balornan importante, e otro parti di e puzzle ta e apoyo y sosten di nos empleadonan.

   Berdaderamente nos ta kere cu e empleadonan ta haci nos compania y nos ta asina afortuna cu nos tin e mihor empleadonan. Nos no por gradici boso suficiente pa boso lealtad y trabao duro dia aden dia afo. Nos ta agradecido tambe na nos clientenan kendenan a confia nos pa cumpli cu nan exigencianan, cu a permiti nos ta conkista nan retonan y a pusha nos pa sigui mehora nos servicionan.

   Aña 2022 ta un aña hopi special, un logro grandi den nos evolucion. E ta un aniversario cu ta haci nos extremadamente orguyoso y agradecido cu nos ta parti di algo cu tin 70 aña ta cambiando nos bida.