Ya desde 1954 caba a usa cement riba edificio di ARA

Durante experimento a descubri esaki

ORANJESTAD (AAN): Monumentenfonds ta haciendo un experimento riba e edificio di Contraloria General cu tin den Wilhelminastraat.  E lugar aki di Algemene Rekenkamer Aruba cada rato ta haya problema unda muraya ta pela, verf pa chip cay, etc.  E edificio aki traha cu piedra di coral (kalki) no ta bay bon ora bo pleister esaki cu cement.

   Pesey awor ta haciendo un experimento.  E lo keda bon si usa pleister di kalki?  Pesey un pida di e fachada ta hayando trabao riba dje, unda a kita tur e pleister di cement cu a wordo poni na aña 2007.  Y e biaha aki ora cu a kita e pleister rond di e bentananan, a bin descubri algo.

   E bentananan aki a wordo poni na 1954, y e tempo ey caba rond di e muraya, nan a yena e buraconan cu cement.  E tabata algo cu Monumentenfonds no tabata sa di dje, pues nan no a inclui esaki den e presupuesto pa e trabao aki.

   Riba e potret aki, bo por mira e diferencia di e muraya di kalki, y e pida yena cu cement.