SETAR ta patrocinador di Soul Beach Music Festival 2023

ORANJESTAD (AAN):  SETAR ta orguyoso di por anuncia un biaha mas su partnership cu Soul Beach Music Festival.

            Soul Beach Music Festival ta celebra su di 20 aña aniversario organisando concierto cu diferente artista y comediante internacional na Aruba. E evento aki ta atrae hopi turista y hendenan local den e weekend di Memorial Day cual lo tuma luga entre 24 pa 29 di mei venidero.

            SETAR como compania Nacional di Telecomunicacion na Aruba, semper a percura desde inicio di e prome evento, pa e cobertura completo di Wi-Fi y servicionan di telecomunicacion na tur e localidadnan di e actividad durante e weekend. Adicionalmente, e aña aki Soul Beach lo haci uzo di SETAR su plataforma nobo di e-wallet, Pay.aw, pa bende ticket pa e comedy night y e dos anochi di concierto obtenibel pa e mercado local.

            Clientenan cu no a download Pay.aw ainda por haci esaki den e App Store of Google Play Store, registra gratis pa haya acceso pa cumpra Soul Beach Music Festival ticket den e App. Pay.aw por wordo uza cu tur proveedor y tur banco local.

            Un evento cu sigur bo no lo kier perde, cu artistanan internacional renombra, entre otro Jill Scott, e banda The Roots y Tifanny Haddish. Busca bo ticket den Pay.aw y goza di Soul Beach Music Festival ‘23.