Ya caba DOW ta revisando material di urnanan electoral

ORANJESTAD (AAN): Ya caba personal di DOW ta den accion pa eleccion 2024. 

Ta tumando inventario di awor caba pa check ki material mester pa tur Stemlokaal rond di Aruba.

   Siman a habri y nan a bay check con e material di ‘Urna Electoral’ ta.  Esakinan ta structura cu ta pre-fabrica, cu facilmente ta habri y forma cu nan pia y sosten.

   Pa refresca memoria di e personal di DOW, a arma e prome hokinan aki pa nan mira con e ta funciona, kico pa haci si acaso e no habri corecto, y con pa haci coreccion riba e structura.  Tambe a elabora con nan tin di wordo poni na cada Stemlokaal.

   Mientras tanto DOW a bishita tur Stemlokaal cu lo wordo uza y ta bezig haciendo e reparacion nan necesario y den e prome siman di December lo arma tur e hokinan di vota.